Cruinniú na nÓg

Is í Éire an chéad tír, agus an t-aon tír, ar domhan a bhfuil lá náisiúnta cruthaitheachta in aisce aici do pháistí agus do dhaoine óga faoi 18 mbliana d’aois. 

Tarlaíonn sé ar an chéad Satharn i mí an Mheithimh, as a dtiocfaidh na céadta imeachtaí ar fud na tíre, a fhreastalaíonn ar  achan duine ó achan aois ó  naíonáin go déagóirí faoi 0-18 mbliana d’aois.

Tharla an chéad Cruinniú na nÓg ar an 23 Meitheamh 2018 agus ó shin, lena n-áirítear in imthosca eisceachtúla in 2020, tagann daoine óga agus teaghlaigh le Chéile achan bhliain chun sult a bhaint as raon leathan gníomhaíochtaí cruthaitheacha lena n-áirítear ceardlanna, ranganna teagaisc agus pacáistí cruthaitheacha a sheachadadh chuig tithe ar fud an chontae.

Le roinnt blianta anuas, tá an Rannán Cultúir i nDún na nGall ag obair go forleathan le páistí agus daoine óga fríd Chomhairle Óige Dhún na nGall a áireamh sna cruinnithe pleanála agus fiafraí de dhaoine óga cad ba mhaith leo a fheiceáil, a dhéanamh, nó triail a bhaint as achan Cruinniú na nÓg. Is é an toradh atá air ná clár a chuimsíonn a gcuid moltaí mar aon le himeachtaí spreagúla nár shamhlaigh siad riamh.

Tabhair cuairt ar thaifeadtaí iontacha ceardlainne ó bhlianta roimhe seo

Amharc ar roinnt taifeadtaí ceardlainne iontacha ó bhlianta roimhe seo: 

I mí an Mheithimh 2024, mar chuid de thionscadal Cruinniú na nÓg atá maoinithe ag Oileán Comhroinnte na bliana seo, reáchtáil Scoil Cholmcille i Leitir Ceanainn lá ilchultúrtha, ag ceiliúradh agus ag plé le traidisiúin chultúrtha na náisiúntachtaí éagsúla iomadúla de na daoine óga atá ar an scoil, agus bhain siad an-sult as!

Mar chuid de Chruinniú na nÓg 2023, chuaigh Rhyme Island i mbun oibre le daoine óga ó ionad IPAS i Leitir Ceanainn, agus tá a gcruthaitheacht soiléir san fhíseán ghairid seo.

Mar chuid de Chruinniú na nÓg 2022, thug an cheardlann amharclainne seo, faoi stiúir Eve Li agus Leanne McLaughlin, daoine óga atá ina gcónaí i Soláthar Díreach agus daoine óga ón phobal Éireannach le chéile leis na léirithe gairide seo a chruthú.

Is daoine óga idir 12 agus 17 mbliana d’aois a ghlac páirt i gceardlanna Fís Feasa i dTeach Oibre Dhún Fionnachaidh mar chuid de Chruinniú na nÓg 2022 a rinne na físeáin siamsúla seo, as Gaeilge, áit ar tugadh leideanna agus scileanna dóibh faoin dóigh le bheith ina gcruthaitheoirí físe trí úsáid a bhaint as na fóin chliste.