Pleananna

Éilíonn an Plean Oidhreachta Náisiúnta ar údaráis áitiúla Pleananna Oidhreachta Áitiúla a ullmhú agus a chur i bhfeidhm. Aithnítear sa Phlean Oidhreachta Náisiúnta nach mór tús a chur leis an ghá atá le cosaint ár n-oidhreachta ag an leibhéal áitiúil. Cuid lárnach den sprioc sin a bhaint amach is ea Plean Oidhreachta Chontae Dhún na nGall a ullmhú agus a ghlacadh. Aithníonn Comhairle Contae Dhún na nGall an tábhacht a bhaineann le "an oidhreacht a chur i gcroílár an tsaoil phoiblí", mar a mholtar sa Phlean Náisiúnta Oidhreachta. Tá Plean Oidhreachta nua, Oidhreacht Éireann 2030 - Plean Oidhreachta Náisiúnta Nua, curtha le chéile ag an Roinn Tithíochta, Rialtais Áitiúil agus Oidhreachta. 

Sainaithnítear i bPlean Oidhreachta Chontae Dhún na nGall liosta gníomhartha a dhéanfar chun a aidhmeanna agus a chuspóirí straitéiseacha a bhaint amach. Tá ceisteanna agus riachtanais oidhreachta sa chontae aitheanta i bPlean Oidhreachta Chontae Dhún na nGall agus tá sé mar aidhm aige dul i ngleic leo go háitiúil, laistigh de chreat réigiúnach agus náisiúnta. Cuireann Plean Oidhreachta Chontae Dhún na nGall bonn ar fáil chun oidhreacht thógtha, chultúrtha agus nádúrtha Chontae Dhún na nGall a aithint, a imscrúdú, a léirmhíniú, a chur chun cinn, a chaomhnú agus a fheabhsú, agus leagtar amach ann straitéis chun acmhainní agus tírdhreacha oidhreachta a bhainistiú ar bhealach inbhuanaithe. Tugann Plean Oidhreachta Chontae Dhún na nGall aghaidh ar thosaíochtaí atá leagtha amach i gCultúr Le Chéile - Plean Straitéiseach don Rannán Cultúir 2022-2026, Comhairle Contae Dhún na nGall agus in  Ár n-Áit in Am - Plean Straitéiseach na Comhairle Oidhreachta 2023-2028.