Crainn Dhúchasacha na hÉireann

Ar Ais go An Oidhreacht Nádúrtha agus an Bhithéagsúlacht

Tá crainn suimiúil ar an-chuid cúiseanna: a n-airde, a n-imlíne agus a n-aois. Cuireann siad faisnéis staitistiúil riachtanach ar fáil, ach d'fhéadfadh go mbeadh cumainn stairiúla agus béaloidis acu freisin, nó féadfaidh siad a dtírdhreach áitiúil a shainiú. Is eagraíocht dheonach neamhrialtasach í Comhairle Crann na hÉireann a bunaíodh i 1985 chun plandáil, cúram agus caomhnú crann a chur chun cinn i gceantair uirbeacha agus thuaithe araon. Sa bhliain 1999, chuir Comhairle Crann na hÉireann agus Cumann Crann na hÉireann tús le Clár Crann na hÉireann (TROI) chun bunachar sonraí crann a thiomsú ar fud na hÉireann. Tá níos mó ná 860 speiceas agus cineál san áireamh sa chlár agus déantar 7,500 crann a thomhas agus a thaifeadadh. Is é an clár an chéad staidéar cuimsitheach ar chrainn seaimpín in Éirinn.

Crainn Dhúchasacha na hÉireann (ó Bhunachar na gCrann Oidhreachta, Comhairle Crann na hÉireann).

Seo thíos roinnt físeáin ghearra ar Chrainn Dhúchasacha na hÉireann, sraith gearrscannán arna maoiniú ag Clár Éireann Ildánaí. Roghnaíodh crainn éagsúla agus cruthaíodh gearrscannán ag díriú ar achan speiceas crann aonair. In achan scannán, déanaimid iniúchadh i ndáil le cén dóigh crann a aithint, cén ról atá ag an chrann maidir le tacú leis an bhithéagsúlacht agus cad a dhéanann an crann dúinn - seirbhísí éiceachórais. Tá an scannán dírithe ar dhuine ar bith a bhfuil suim acu i gcrainn dhúchasacha na hÉireann foghlaim cén dóigh lena n-aithint agus faoin tábhacht a bhaineann leo i dtírdhreach na hÉireann. Rinne Charlie Joe Gallagher an scannán a scannánú sa Pháirc Náisiúnta iontach i nGleann Bheatha agus rinne Aengus Kennedy an aithris ó 'NatureNorthWest'.