Taispeántais agus Imeachtaí
Ar feadh na bliana, bíonn clár éagsúil taispeántas ar siúl i Músaem Contae Dhún na nGall. Is é an aidhm atá againn freastal ar raon leathan cuairteoirí trí thaispeántais a thaispeáint a bhfuil spéis áitiúil, náisiúnta agus idirnáisiúnta ag baint leo.
Agus tú ar cuairt ar an mhúsaem, insíonn an taispeántas sa ghailearaí ar an chéad urlár scéal Chontae Dhún na nGall ón Réamhstair go dtí an Fichiú haois. Reáchtálann muid sraith taispeántas sealadach i rith na bliana freisin, a chlúdaíonn réimse leathan ábhar.
Glac ar Iasacht nó Cuir Leis
Tá roinnt taispeántas curtha i láthair ag Músaem Contae Dhún na nGall, atá ar fáil le hiasacht saor in aisce d’eagraíochtaí, do ghrúpaí pobail agus d’ionaid ar fud Chontae Dhún na nGall, faoi réir coinníollacha iasachta áirithe. Déan teagmháil leis an Mhúsaem chun tuilleadh eolais a fháil Glaoigh: +35374 9124613 R-phost: museum@donegalcoco.ie
Is cláir taispeántais neamhspleácha nó sealadacha ar réimse téamaí iad na taispeántais seo:
• Connection and Division - Dún na nGall 1910-1930
• Iarnróid Dhún na nGall
• Remembering World War I- Scéal Dhún na nGall
• Contae Dhún na nGall i 1916
• Dún na nGall agus Éirí Amach na Cásca
• Laochra Áitiúla Dhún na nGall ón Dara Cogadh Domhanda
• 'A Vanished World' - Piardaí Dhúiche Chontae Dhún na nGall
• 'A Long Farewell' - Imirce Mhná Dhún na nGall 1845 - 1955
• Tithe na mBocht i nDún na nGall
Ar oibrigh tusa nó ball teaghlaigh in Albain riamh? An bhfuil grianghraif nó cuimhní agat a bheifeá toilteanach a chomhroinnt? Tá Comhairle Contae Dhún na nGall ag obair ar thaispeántas mór le heispéiris oibre mhuintir Dhún na nGall in Albain a dhoiciméadú.
Tá Rannóg Cultúir Chomhairle Contae Dhún na nGall (Oifig Oidhreachta, Músaem, Cartlann, Seirbhís Leabharlainne, Ionad Cultúrtha Réigiúnach agus Oifig Ealaíon) i gcomhpháirtíocht leis an Mellon Centre for Migration Studies ag ullmhú mórthaispeántas ar an chomhthéacs stairiúil, ar na dálaí oibre agus ar na cineálacha fostaíochta a bhí ag fir agus mná Dhún na nGall in Albain. Díreoidh an taispeántas ar réimse tionscal agus ionaid oibre in Albain ó 1940 go 1990, lena n-áirítear feirmeacha, busanna, iarnróid, láithreáin tógála, tionscadail innealtóireachta (amhail tolláin, droichid, dambaí nó scéimeanna hidrileictreacha), tógáil long, seirbhís tí, monarchana, seirbhís sláinte agus an saol reiligiúnach.
Más mian leat do scéal a chomhroinnt, déan teagmháil le hOifig Oidhreachta Chontae Dhún na nGall ar (074) 917 2576 nó seol ríomhphost chuig heritage@donegalcoco.ie
Má tá grianghraif agat d'fhir nó mhná Dhún na nGall ag obair in Albain, tig iad a scanadh saor in aisce ag Músaem an Chontae i Leitir Ceanainn, Cartlann an Chontae i Leifear nó sna leabharlanna i nDoire Beag, ar an Chlochán Liath, i mBaile Dhún na nGall, i mBun Dobhráin, i Ráth Bhoth, i mBun Cranncha, i Maigh an Phobail, i mBaile na nGallóglach agus i Leitir Ceanainn.
Má tá earraí nó rudaí agat a bhaineann le do chuid oibre in Albain (amhail ticéid báid nó bus, uirlisí láimhe, cártaí oibre, éidí, litreacha, málaí taistil agus a bhfuil iontu) a bheifeá sásta a thabhairt ar iasacht don taispeántas, déan teagmháil le Músaem an Chontae ar (074) 912 4613 nó trí ríomhphost ag museum@donegalcoco.ie