Skip to main content Skip to main content

Inrochtaineacht

Ar Ais go Tabhair Cuairt Orainn

Músaem do Chách 

Ba mhaith linn a bheith oscailte agus inrochtana do chách agus a chinntiú go mbeidh an líon is leithne cuairteoirí in ann taitneamh a bhaint as an fhoirgneamh, as bailiúchán an mhúsaeim agus as an éagsúlacht taispeántas agus imeachtaí atá ar fáil. Thiocfadh leis an fhaisnéis seo a leanas a bheith ina cuidiú agus tú ag pleanáil do chuairte ar an músaem. Má tá cuidiú de dhíth ort le linn do chuairte, cuir ceist ar bhall foirne ag an phríomhbhealach isteach san áit a bhfuil an fáiltiú suite. Má tá aon fhiosrúcháin bhreise agat, déan teagmháil le: R-phost: museum@donegalcoco.ie; Guthán: +353 (0)74 9124613  

Tá páirceáil in aice leis an músaem atá furasta dul isteach ann agus nach gcosnaíonn a lán. Tig ticéad a cheannach ó na meaisíní ticéid sa charrchlós.  Tig íoc as páirceáil ar an tsráid os comhair an mhúsaeim. 

Tabhair faoi deara, le do thoil, go mbeidh amanna ciúine éagsúla ann. Tig leis an Mhúsaem a bheith plódaithe agus callánach uaireanta. Is é an t-am is ciúine le cuairt a thabhairt ar an Mhúsaem ná nuair a osclaíonn sé den chéad uair idir 10.00am agus 11.00am agus arís san iarnóin i ndiaidh 4pm. Cuimhnigh le do thoil go ndruideann an Músaem ag 4.30pm. Éiríonn ár ngailearaithe thar a bheith gnóthach le linn taispeántas agus nuair a bhíonn imeachtaí ar siúl. Is iad mí na Nollag agus mí Eanáir an tréimhse is ciúine den bhliain de ghnáth. 

Leithreas Inrochtana

Tá leithreas amháin atá inrochtana do chathaoireacha rothaí againn ar an suíomh atá suite ar urlár na talún gar don fháiltiú sa mhúsaem.

Ardaitheoir chuig na Gailearaithe 

Tá ardaitheoir ar an bhunurlár a thugann rochtain ar ghailearaí an chéad urláir. 

Scútair Soghluaisteachta

Tá fáilte roimh scútair shoghluaisteachta agus ceadaítear iad taobh istigh den Mhúsaem. Má tá feithicil den Aicme 3 agat, iarrfar ort an teorantóir luais a shocrú go 4mph (6.44 km/uair). Cuimhnigh le do thoil do luas a laghdú dá réir sin i gceantair phlódaithe nó oiriúnú do dhaoine eile nach mbeadh in ann bogadh as do bhealach go gasta.

Suíocháin

Tá suíocháin ar fáil ar fud an fhoirgnimh. Má tá suíocháin bhreise de dhíth ort féin nó ar do ghrúpa, cuir ceist ag an fháiltiú le do thoil. 

Madaidh Threoracha

Tá fáilte roimh mhadaidh threoracha sa mhúsaem ach caithfidh siad a bheith lena n-úinéirí i gcónaí. 

;