Tabhair Cuairt Orainn
Cén áit a bhfuil muid?
Tá an Músaem lonnaithe ar an Bhóthar Ard, Leitir Ceanainn, Co. Dhún na nGall, F92 K123. Tá sé i seanfhoirgneamh cloiche a bhí tráth mar chuid de Theach Oibre Leitir Ceanainn agus atá suite in aice le foirgneamh Oifig Intreo.
Amharc orainn ar Google Maps anseo.
| Luan – Aoine | 10.00am – 4.30pm (10.00am - 16.30pm) |
| Satharn | 1.00pm – 4.30pm (13.00pm – 16.30pm) |
| Dúnta don lón | 12.30pm - 1.00pm (12.30pm – 13.00pm) |
| Oscailte le linn na bliana ar fad | |
| Dúnta ar laethanta saoire poiblí | |
| Cead isteach saor in aisce |
Cuairteanna Grúpaí Féin-Treoraithe
Tig le grúpaí sult a bhaint as an mhúsaem gan turas a chur in áirithe ach cuirigí in iúl dúinn le bhur dtoil go bhfuil sibh ag teacht.
Turais Treoraithe
Dá mba mhaith leat turas treoraithe, déan áirithint roimh ré trí theagmháil a dhéanamh leis an Músaem. Tá turais faoi réir baill foirne a bheith ar fáil.
Gníomhaíochtaí do Pháistí & Teaghlaigh - Mála Droma Bleachtairí Músaeim
Cuardaigh leideanna agus faigh amach tuilleadh faoi stair Dhún na nGall le Mála Droma Bleachtairí Músaeim. Tig an mála droma spraíúil agus oideachasúil seo a fháil ar iasacht saor in aisce nuair a thugann tú cuairt ar an Mhúsaem agus tá sraith gníomhaíochtaí ann do pháistí de gach aois. Tá déantáin le haimsiú, scéalta le cruthú agus puzail le réiteach.
Tá fáilte roimh thaighdeoirí trí choinne a chur in áirithe roimh ré.
• Meánfhad na Cuairte: 45 bomaite.
• Caithfidh áirithint a dhéanamh do ghrúpaí de 5 nó níos mó.
• Taispeántais: Stair Dhún na nGall ón Chlochaois go dtí an Fichiú hAois. Taispeántais agus imeachtaí sealadacha éagsúla i rith na bliana.
• Tá páirceáil ar fáil do charranna. Tig leat ticéad a cheannach ó na meaisíní sa charrchlós.
• Páirceáil do Chóistí: Níl
• Rochtain/Leithreas do Chathaoireacha Rotha: Tá