For-rochtain
Tabharfaidh muid an Músaem chomh fada leat!
Tabharfaidh muid an Músaem chomh fada le d’eagraíocht phobail le réimse roghanna. Ba cheart iad seo a chur in áirithe ar a laghad dhá sheachtain roimh ré trí theagmháil a dhéanamh leis an Mhúsaem agus tá siad ag brath ar sholáthar foirne (ar fáil do ghrúpaí amháin).
Roghanna For-Rochtana
Thig leis an Mhúsaem socrú a dhéanamh chun Preab-Mhúsaem a chruthú le grúpa nó le heagraíocht. Is músaem é Preab-Mhúsaeim a bhíonn ann ar feadh cúpla uair an chloig ar lá ar leith amháin agus a chruthaítear go háitiúil, le cuidiú ó fhoireann an Mhúsaeim. Tabharfar cuireadh duit rud a bhaineann le téama ar leith a thabhairt leat agus cuideoidh foireann an Mhúsaeim leat lipéad a scríobh le cur síos a dhéanamh ar caidé a chiallaíonn an rud seo duit. Cuirtear an rud ar taispeáint ansin. Cuirtear an rud ar ais ag deireadh an tseisiúin. Tá an tseirbhís seo ar fáil saor in aisce. Caithfear é a chur in áirithe roimh ré agus é ag brath ar sholáthar foirne. Déan teagmháil le Músaem Chontae Dhún na nGall chun tuilleadh eolais a fháil.
Thig le Músaem Contae Dhún na nGall cur i láthair a dhéanamh ar réimse ábhar cosúil le Dún na nGall agus an Chéad Chogadh Domhanda, Contae Dhún na nGall in 1916, Críochdheighilt Dhún na nGall agus an Teorainn, Eisimirce na mBan i nDún na nGall, Aimsir Dhún na nGall agus ábhair eile a bhaineann le stair agus oidhreacht Dhún na nGall.
Tá an tseirbhís seo curtha ar fáil saor in aisce ach caithfear é a chur in áirithe roimh ré agus é ag brath ar sholáthar foirne.
Tá roinnt taispeántas forbartha ag Músaem Contae Dhún na nGall atá ar fáil ar iasacht. Sna taispeántais seo tá preabsheastáin eolais ar théamaí cosúil leis an Chéad Chogadh Domhanda, Éirí Amach na Cásca agus Tithe na mBocht i gContae Dhún na nGall. Tá an tseirbhís seo ar fáil saor in aisce. Chun tuilleadh eolais a fháil déan teagmháil le Músaem Contae Dhún na nGall ar 074 9124613 nó r-phost museum@donegalcoco.ie
Thig le Músaem Contae Dhún na nGall cuairt a thabhairt ar do ghrúpa, d’eagraíocht nó d’ionad le píosaí ónár mbailiúchán Músaem le cuidiú le cuimhne. Bíonn na seisiúin seo iontach spraíúil agus idirghníomhach. Tá an tseirbhís seo ar fáil saor in aisce agus é ag brath ar sholáthar foirne. Déan teagmháil le Músaem Chontae Dhún na nGall chun tuilleadh eolais a fháil.
Thig le foireann an Mhúsaeim seisiúin Bosca Seandálaíochta a chur ar fáil do do ghrúpa nó d’eagraíocht. Foghlaimeoidh tú faoi Sheandálaíocht Chontae Dhún na nGall tríd an cheardlann seo. Tá fíordhéantáin agus déantáin mhacasamhlacha sa bhosca ón Chlochaois go dtí tréimhse na Lochlannach ar féidir le daoine a láimhseáil. Tá an tseirbhís seo ar fáil saor in aisce ach caithfear é a chur in áirithe roimh ré.