Feabhsaigh Do Chuairt

Turais Treoraithe 

Tá turais treoraithe ar an Mhúsaem agus ar na taispeántais atá ann ar fáil saor in aisce. Ba cheart turais a chur in áirithe coicís roimh ré ar a laghad trí theagmháil a dhéanamh leis an Mhúsaem ag 074 9124613 nó RPH museum@donegalcoco.ie Bíonn na turais ag brath ar sholáthar foirne. 

A scoileanna, tugaigí faoi deara: 
•    Ba chóir go mbeadh duine fásta amháin ar a laghad le gach grúpa de 15-20 scoláire 
•    Is féidir grúpaí/ranganna móra a roinnt i ngrúpaí níos lú do na turais 
•    Caithfidh múinteoir/ceannaire fanacht le hachan ghrúpa i gcónaí agus is iadsan atá freagrach as iompar na ndaltaí.                   
 
Ceardlann Bosca Seandálaíochta 

Thig le foireann an Mhúsaeim ceardlanna a chur ar fáil leis an Bhosca Seandálaíochta. Sa Bhosca Seandálaíochta, tá fíordhéantáin agus déantáin mhacasamhlacha ón Chlochaois go dtí tréimhse na Lochlannach ar féidir leis na páistí a láimhseáil. Tá an tseirbhís seo ar fáil saor in aisce ach caithfear é a chur in áirithe roimh ré. Fóirsteanach do scoláirí ó Rang 2 ar aghaidh.       
                                                         
Mála Droma ‘Bhleachtairí Mhúsaem Dhún na nGall’ 

Tá an mála droma spraíúil agus oideachasúil seo ar fáil ar iasacht saor in aisce nuair a thugann tú cuairt ar an Mhúsaem. Tá gníomhaíochtaí éagsúla ann atá deartha chun páistí a spreagadh le bheith páirteach inár dtaispeántais. Tá an tseirbhís seo ar fáil saor in aisce ach caithfear é a chur in áirithe roimh ré. Fóirsteanach do scoláirí ó Rang 1 ar aghaidh. 

Thig le Músaem Contae Dhún na nGall cuairt a thabhairt ar do scoil leis na seirbhísí seo a leanas a chuirtear ar fáil saor in aisce. Caithfear é a chur in áirithe roimh ré agus é ag brath ar sholáthar foirne. 

Ceardlann Bosca Seandálaíochta 
                                                          
Sa Bhosca Seandálaíochta, tá fíordhéantáin agus déantáin mhacasamhlacha ón Chlochaois go dtí tréimhse na Lochlannach ar féidir le páistí a láimhseáil. Gabh i dteagmháil leis an Mhúsaem le haghaidh ceardlann threoraithe leis an Bhosca Seandálaíochta. 

Preab-Mhúsaem

Thig leis an Mhúsaem socrú a dhéanamh chun Preab-Mhúsaem a chruthú i do sheomra ranga nó i do scoil. Tugtar cuireadh do pháistí rud a bhaineann le téama ar leith a thabhairt leo agus cuideoidh foireann an Mhúsaeim leo lipéad a scríobh le cur síos a dhéanamh ar caidé a chiallaíonn an rud seo dóibh. Cuirtear an rud ar taispeáint ansin. Cuirtear an rud ar ais ag deireadh an tseisiúin. I measc na dtéamaí, tá “An Rud is Sine atá agam” agus “Mo Chultúir”. 

Cainteanna          
                                                                     
Thig le Músaem Contae Dhún na nGall cainteanna a thabhairt ar réimse ábhar, mar shampla: ‘Dún na nGall agus an Chéad Chogadh Domhanda’, ‘Contae Dhún na nGall in 1916’, ‘Críochdheighilt Dhún na nGall agus an Teorainn’ agus go leor ábhar eile a bhaineann le stair agus oidhreacht Dhún na nGall.
 
Téigh i dteagmháil le Músaem Contae Dhún na nGall ar 074 9124613 nó thar RPH museum@donegalcoco.ie fá choinne áirithintí nó tuilleadh eolais 

Tá roinnt taispeántas forbartha ag Músaem Contae Dhún na nGall atá ar fáil ar iasacht do scoileanna. Sna taispeántais seo tá preabsheastáin eolais ar théamaí cosúil le Laochra Áitiúla an Chéad Chogadh Domhanda, Éirí Amach na Cásca agus Tithe na mBocht i gContae Dhún na nGall.  

Le haghaidh tuilleadh eolais agus é a chur in áirithe, déan teagmháil le Músaem Contae Dhún na nGall. Tá an tseirbhís seo ar fáil saor in aisce. 

Tá leabhráin éagsúla foilsithe ag an Mhúsaem a thiocfadh a bheith úsáideach dóibh siúd atá ag déanamh taighde nó atá ag críochnú tionscadail ar stair agus ar oidhreacht Chontae Dhún na nGall. Tá siad ar fáil saor in aisce do mhúinteoirí:  

•    Ó Choimhlint go Deighilt - Dún na nGall 1919 - 1925 
•    NOCHT AGUS FIOSRAIGH Dún na nGall 
•    Do Mhuintir i nDún na nGall: Treoir fá dtaobh d’Fhoinsí Ginealais’
•    Tithe na mBocht i nDún na nGall 

Le tuilleadh eolais a fháil faoi na hacmhainní seo, déan teagmháil le Músaem Chontae Dhún na nGall.
 
Rphost: museum@donegalcoco.ie  

Tá ár dturas ginearálta deartha chun réamhrá a thabhairt don mhúsaem agus a thimpeallacht, agus achoimre ar na taispeántais reatha, ag díriú ar roinnt príomhrudaí sa bhailiúchán. Fáiltíonn muid roimh cheisteanna agus idirghníomhaíocht le linn na dturas.

(45-60 bomaite) 

Tá ár dturas gearr deartha le cúlra a thabhairt ar an mhúsaem agus ar an cheantar thart air, agus réamhrá ar na taispeántais reatha.

(20 bomaite)   

An bhfuil rud inteacht eile á lorg agat? Le réamhfhógra, thiocfadh turas a bhaineann go sonrach le téama nó le taispeántas ar leith a eagrú. Tá fáilte romhat teagmháil a dhéanamh linn le do chuid smaointí.

(30 bomaite)  

Tá cead ag grúpaí teacht agus cuairt a thabhairt ar an mhúsaem gan turas a chur in áirithe. Iarrann muid ort ach a rá linn roimh ré go mbeidh do ghrúpa ag teacht ar cuairt chugainn. Déan teagmháil le Músaem Contae Dhún na nGall ar 074 9124613 nó r-phost museum@donegalcoco.ie

Foghlaimeoidh tú faoi Sheandálaíocht Chontae Dhún na nGall tríd an Bhosca Seandálaíochta seo. Sa Bhosca Seandálaíochta, tá fíordhéantáin agus déantáin mhacasamhlacha ón Chlochaois go dtí tréimhse na Lochlannach. Tá páistí agus daoine fásta ábalta na déantáin a láimhseáil agus foghlaim faoi sheandálaíocht Chontae Dhún na nGall. Thig linne cuairt a thabhairt ar do ghrúpa/ar do scoil leis an Bhosca Seandálaíochta nó thig ceardlann éascaithe a bheith agat i rith do chuairte ar an Mhúsaem. Tá an tseirbhís seo ar fáil saor in aisce ach caithfear é a chur in áirithe roimh ré. 

Cuardaigh leideanna agus faigh amach tuilleadh faoi stair Dhún na nGall le Mála Droma Bleachtairí Músaeim. Is féidir an mála droma spraíúil agus oideachasúil seo a fháil ar iasacht saor in aisce nuair a thugann tú cuairt ar an Mhúsaem agus tá sraith gníomhaíochtaí ann do pháistí d’achan aois. Tá déantáin le haimsiú, scéalta le cruthú agus puzail le réiteach. 

Fuair an togra seo maoiniú ón Roinn Ealaíon, Oidhreachta agus Gaeltachta.