Stair Teaghlaigh

Tá bailiúchán fairsing leabhar, irisí agus ábhar eile a bhaineann le ginealas agus stair theaghlaigh i Lár-Leabharlann Leitir Ceanainn. Cé nach bhfuil ábhair phríomhúla againn, amhail taifid breitheanna, básanna, póstaí srl., is féidir lenár n-acmhainní stair teaghlaigh cuidiú leat tosú ar do chuardach don sinsear sin a bhfuil sé doiligh a theacht air. Moltar duit teagmháil a dhéanamh leis an leabharlann roimh ré le coinne a chur in áirithe mar go bhfuil roinnt míreanna ar fáil i bhformáid micreascannáin amháin, agus tá roinnt nuachtán i stóras.

Tá bailiúcháin staire áitiúla níos lú a bhaineann lena gceantar féin ag achan leabharlann eile i nDún na nGall agus b’fhéidir go mbeidh siad in ann an fhaisnéis atá de dhíth ort a chur ar fáil. Tá míreanna micreascannánaithe ar fáil freisin i Leabharlann Phobail Bhun Dobhráin agus i Leabharlann Phobail na Rosann, An Clochán Liath. Déan teagmháil leis an leabharlann chuí sula dtéann tú ar cuairt.

Le sonraí teagmhála agus uaireanta oscailte na Lár-Leabharlainne agus na leabharlanna áitiúla go léir a fháil, le do thoil cliceáil anseo.

Le do chuardach don sinsear sin a bhfuil sé doiligh a theacht air a thosú, cliceáil ar an leabhrán thíos:

Acmhainní ar Líne

Tá acmhainní ar líne againn a dtig rochtain a fháil orthu i do leabharlann is gaire agus thiocfadh leo cuidiú leat scéalta daoine agus áiteanna spéisiúla a nochtadh.

JSTOR

Is acmhainn chuimsitheach ar líne é JSTOR a chlúdaíonn réimse leathan topaicí. Tá rochtain ar The Ireland Collection saor in aisce ag aon bhrainse de leabharlann Dhún na nGall. Is bailiúchán idirdhisciplíneach d’irisí agus d’ábhair eile é The Ireland Collection. Tá teidil agus acmhainní ann ó réimse na n-ealaíon, na ndaonnachtaí agus na n-eolaíochtaí i ndisciplíní mar cheol, ealaín, stair, litríocht, seandálaíocht, matamaitic agus bitheolaíocht. Clúdaíonn na hábhair an tréimhse ó na 1780idí go dtí an lá atá inniu ann.

Cartlann Dhigiteach an Irish Times

Cuireann Cartlann an Irish Times ag Ask About Ireland rochtain ar líne saor in aisce ar fáil d’úsáideoirí idirlín i leabharlanna poiblí agus scoileanna in Éirinn trí www.askaboutireland.ie.

Find My Past

Tá réimse leathan taifead ó Bhailiúchán Cartlann Chontae Dhún na nGall digitithe agus curtha ar fáil ar Find My Past. Cé gur seirbhís síntiúis í seo de ghnáth, tig leat rochtain a fháil uirthi saor in aisce ó ríomhairí pearsanta i gceann ar bith dár mbrainsí leabharlainne.

Cartlann Nuachtán na hÉireann

Is í Cartlann Nuachtán na hÉireann an bunachar sonraí inchuardaithe ar líne is mó de nuachtáin dhigitithe Éireannacha.Trí rochtain a fháil ar an chartlann ar ríomhaire leabharlainne, tig le baill leabharlainne nuachtáin dhigiteacha a bhrabhsáil agus léamh mar a bhí sé nuair a clódh é. Tá na céadta foilseachán ar fáil, ó 1760 go dtí an lá atá inniu ann.

Rollaí agus Cláir

Liosta Teidlíochta Préimhe Roth Sníomhach 1796, Contae Dhún na nGall

Úinéirí Talún na hÉireann, De Burgh

Naisc chuig suíomhanna eile Stair Teaghlaigh agus Ginealaigh
• Eaglais na hÉireann
• Cartlann Chontae Dhún na nGall
• Acmhainní Ginealais Dhún na nGall
• Ginealas Éireann
• Leabharlann Eaglais Naoimh na Laethanta Deireanacha
• Leabharlann Náisiúnta na hÉireann
• An Chartlann Náisiúnta
• Oifig Taifead Poiblí Thuaisceart Éireann
• Griffith's Valuation
• Ciste Fíorúil na hÉireann
• Dúchas
• Reiligí na hÉireann
• Cumann Staire Preispitéireach na hÉireann
• Cláir Pharóiste Caitliceacha

Diaspóra Dhún na nGall
Bunaíodh tionscadal Diaspóra Dhún na nGall le teagmháil a dhéanamh le pobal domhanda Chontae Dhún na nGall, a “Pobal Domhanda”, agus le dul i mbun oibre leo. Tá daoine a bhfuil baint acu le Dún na nGall sa líonra seo, is cuma cá bhfuil cónaí orthu. Feidhmíonn sé mar acmhainn faisnéise, naisc, comhpháirtíochtaí agus forbartha.

Le tuilleadh eolais a fháil, téigh chuig www.donegaldiaspora.com.