Skip to main content Skip to main content

Stair Áitiúil

Ar Ais go Stair Áitiúil

Tá Bailiúchán Staidéar Dhún na nGall i Lár-Leabharlann Leitir Ceanainn, ina bhfuil leabhair a bhaineann le Contae Dhún na nGall, leabhair scríofa ag údair Dhún na nGall agus/nó a foilsíodh sa chontae. Tá réimse ollmhór ábhar sa bhailiúchán seo, ó reiligiún go healaín, go litríocht agus stair na gceantar éagsúil sa chontae. Trí chuardach a dhéanamh i leabhair staire áitiúla, gheobhaidh tú léargas ar an saol i nDún na nGall san am atá thart agus tabharfaidh sé blaiseadh duit faoin dóigh ar mhair do shinsear. Tig leat fiú léarscáileanna stairiúla a sheiceáil a thabharfaidh tuiscint níos fearr duit ar an áit.

Micreascannán
Is foinse den scoth iad nuachtáin áitiúla don ghinealeolaí mar is minic a liostaítear sonraí breithe, báis agus pósta iontu.  Tá micreascannán déanta ar go leor nuachtán stairiúla, ach tá cuid acu go fóill ar fáil i gcóip chrua. 

Tá rochtain saor in aisce ar Chartlann Nuachtán na hÉireann ar fáil in achan leabharlann i nDún na nGall. 

Déan teagmháil leis an Lár-Leabharlann ar 074 91 24950, nó central@donegalllibrary.ie leis an mhicreascannán a chur in áirithe nó rochtain a iarraidh ar nuachtáin stairiúla. 

Bailiúchán na Leabhar Uathúil
Bailiúchán Leabhar Uathúil lena n-áirítear na Céad Léarscáileanna Suirbhéireachta Ordanáis do Dhún na nGall (Léarscáileanna an Ghiúiré Mhóir)

Tá bailiúchán leabhar, léarscáileanna, bileoga agus priontaí neamhchoitianta agus seanré a bhaineann le stair agus oidhreacht Dhún na nGall i seilbh na Lár-Leabharlainne. Bailiúchán nach bhfuil i gcúrsaíocht é seo; ach thiocfadh le baill den phobal earraí a iarraidh. Tá cosc iomlán ar fhótachóipeáil earraí ó Bhailiúchán na Leabhar Uathúil mar tig le cóipeáil damáiste tromchúiseach a dhéanamh d’earraí leochaileacha. Tá grianghrafadóireacht le splanc díobhálach fosta, ach thiocfadh le grianghrafadóireacht gan splanc a cheadú de réir rogha fhoireann na leabharlainne. 

Tá míreanna ón Bhailiúchán Leabhar Uathúil, lena n-áirítear na Céad Léarscáileanna Suirbhéireachta Ordanáis do Dhún na nGall (Léarscáileanna an Ghiúiré Mhóir), digitithe agus ar fáil  le feiceáil thíos.

Taighde ar Líne

Tá acmhainní ar líne againn freisin ar féidir rochtain a fháil orthu ar ríomhairí poiblí i do cheantar féin sabhrainse áitiúil

 

JSTOR

JSTOR

Is acmhainn chuimsitheach ar líne é JSTOR a chlúdaíonn réimse leathan topaicí. Tá rochtain ar The Ireland Collection saor in aisce ag aon bhrainse de leabharlann Dhún na nGall. Is bailiúchán idirdhisciplíneach d’irisí agus d’ábhair eile é The Ireland Collection. Tá teidil agus acmhainní ann ó réimse na n-ealaíon, na ndaonnachtaí agus na n-eolaíochtaí i ndisciplíní mar cheol, ealaín, stair, litríocht, seandálaíocht, matamaitic agus bitheolaíocht. Clúdaíonn na hábhair an tréimhse ó na 1780idí go dtí an lá atá inniu ann.
Cartlann Dhigiteach an Irish Times

Cartlann Dhigiteach an Irish Times

Cuireann Cartlann an Irish Times ag Ask About Ireland rochtain ar líne saor in aisce ar fáil d’úsáideoirí idirlín i leabharlanna poiblí agus scoileanna in Éirinn trí www.askaboutireland.ie.
Find My Past

Find My Past

Tá réimse leathan taifead ó Bhailiúchán Cartlann Chontae Dhún na nGall digitithe agus curtha ar fáil ar Find My Past. Cé gur seirbhís síntiúis í seo de ghnáth, tig leat rochtain a fháil uirthi saor in aisce ó ríomhairí pearsanta i gceann ar bith dár mbrainsí leabharlainne.

Cartlann Nuachtán na hÉireann

Cartlann Nuachtán na hÉireann

Is í Cartlann Nuachtán na hÉireann an bunachar sonraí inchuardaithe ar líne is mó de nuachtáin dhigitithe Éireannacha.Trí rochtain a fháil ar an chartlann ar ríomhaire leabharlainne, tig le baill leabharlainne nuachtáin dhigiteacha a bhrabhsáil agus léamh mar a bhí sé nuair a clódh é. Tá na céadta foilseachán ar fáil, ó 1760 go dtí an lá atá inniu ann.
;