Skip to main content Skip to main content

Pleanáil Mo Chuairte

Ar Ais go Mo Leabharlann Áitiúil

Is cuma cé acu ball den leabharlann thú nó nach ball thú, tá fáilte roimh achan duine chuig ár leabharlanna le brabhsáil a dhéanamh, léitheoireacht a dhéanamh agus scíth a ligean. 

Molaimid do gach duine ár n-uaireanta oscailte a chinntiú sula dtagann sibh ar cuairt ionas nach mbeidh díomá oraibh. Dóibh siúd ar mian leo ríomhaire poiblí a úsáid nó rochtain a fháil ar sheirbhís ar leith, mholfaimis dóibh teagmháil a dhéanamh le do leabharlann áitiúil roimh ré le háit a chur in áirithe. 

Imeachtaí: Bíonn neart imeachtaí agus gníomhaíochtaí ar siúl go rialta i do leabharlann áitiúil. Le heolas a fháil, amharc arFhéilire na nImeachtaí.

Scéalta Sóisialta: Tá scéal sóisialta forbartha againn don Lár-Leabharlann, Leabharlann Phobail na Nascbhailte agus Leabharlann Phobail Bhun Cranncha, agus thiocfadh leis seo cuidiú le daoine eolas a chur ar an leabharlann agus ar a bhfuil le súil leis sula dtugann siad cuairt uirthi.

 

Scoileanna agus Grúpaí:  Más mian leat go dtabharfadh ball foirne tiomnaithe cuairt duit nó go ndéanfadh sé gníomhaíocht le do ghrúpa, mholaimid go mór duit teagmháil a dhéanamh le do bhrainse roghnaithe roimh ré. Ar an dóigh sin tig linn a chinntiú go bhfuilimid ullmhaithe. Tig linn fiú clárú ballraíochta grúpa a shocrú roimh ré más rud é go bhfuil suim agat ann ionas go mbeidh cárta leabharlainne réidh ag achan duine dá gcuairt. 

Tugann neart grúpaí cuairt go rialta le brabhsáil a dhéanamh nó le hearra a fháil ar iasacht gan coinne, agus cuirimid fáilte roimhe sin fosta. Mar sin féin, ní thig linn a chinntiú nach mbeidh grúpa eile istigh, gníomhaíocht ar siúl nó go mbeidh seirbhís thapa ar fáil. 

 

;