Áiseanna Cruinnithe agus Staidéir
Spásanna Staidéir
Tig le duine ar bith os cionn 12 bliana d’aois dul isteach sa leabharlann le staidéar a dhéanamh le linn uaireanta oscailte. I roinnt áiteanna tá faighneoga staidéir ar leith ann do ghrúpaí agus tig iad a chur in áirithe roimh ré, agus tá táblaí scaipthe ar fud ár leabharlann a thig a úsáid chun críocha staidéir gan gá le háirithint a dhéanamh. Ní gá duit a bheith i do bhall chun ár n-áiseanna staidéir a úsáid.
• Is iad tuismitheoirí agus cúramóirí atá freagrach ar leanaí ar bhonn dlíthiúil, agus ba chóir dóibh a leanbh a thionlacan agus iad sa leabharlann. Caithfidh an duine seo a bheith ina dhuine fásta.
• Ní mór maoirseacht a dhéanamh ar leanaí faoi 12 bliana d'aois i gcónaí sa leabharlann.
• Cinntigh le do thoil gur baill iad páistí os cionn 12 bliana d'aois a théann chuig an leabharlann gan tionlacan, go bhfuil uimhir theagmhála cothrom le dáta acu le haghaidh tuismitheora agus/nó caomhnóra agus go bhfuil siad ar an eolas faoi amanna dúnta.
Leis an eolas iomlán a fháil, léigh an Cód Iompair um Chosaint agus Sábháilteacht Leanaí i Leabharlanna Poiblí agus ár gCód Iompair.
Rochtain ar Ríomhairí Poiblí
Ní mór duit a bheith i do bhall den leabharlann le ríomhairí, ríomhairí glúine agus táibléid na leabharlainne a úsáid Molaimid duit teagmháil a dhéanamh le do leabharlann áitiúil roimh ré le seisiún a chur in áirithe a mhaireann 55 nóiméad agus atá saor in aisce. Tig cur le fad an tseisiúin sin mura bhfuil aon duine eile ag fanacht le rochtain a fháil ar cheann. Tá ballraíocht saor in aisce agus ar an toirt. Faigh amach faoin dóigh le ballraíocht a ghlacadh ANSEO.
Tá Wi-Fi ar fáil in achan bhrainse le linn gnáthuaireanta oscailte. Níl de dhíth ort ach do chárta leabharlainne le rochtain a fháil air.
Fóin phearsanta/ríomhairí glúine a luchtú
I gcás ina bhfuil soicéad ar fáil i limistéar poiblí agus go bhfuil do chábla féin agat, nach mbíonn sé ag dul trasna na leabharlainne agus nach gcuireann sé isteach ar úsáideoirí eile, tig leat do ghléas pearsanta a luchtú. Is ar a phriacal féin a dhéanann duine amhlaidh agus ní thig Comhairle Contae Dhún na nGall a chur faoi fhreagracht as aon ghoid nó damáiste a dhéantar dá bharr.
Spásanna Cruinnithe
Más mian le grúpa bualadh le chéile go rialta agus áiseanna na leabharlainne a úsáid saor in aisce, téigh i dteagmháil le do leabharlann áitiúil le roghanna a phlé. Is minic a chuireann muid spás ar fáil do ranganna comhrá, do ghrúpaí cniotála agus do chúrsaí eile i gcuid de na hionaid atá againn.
Ghaoth Dobhair seomraí tiomnaithe a chur ar fáil atá ar fáil do ghrúpaí pobail agus deonacha agus daoine aonair le cruinnithe, ranganna, ceardlanna agus imeachtaí a reáchtáil. Tá ár bpolasaí um úsáid seomraí cruinnithe ANSEO.
Trealamh
Tig le grúpaí a úsáideann spás na leabharlainne an trealamh seo a leanas a chur in áirithe lena úsáid, faoi réir infhaighteachta agus suímh:
• Ríomhaire Glúine
• Teilgeoir & Scáileán
• Scáileán Digiteach
• Smeach-chairt
• Micreafón & Callairí don ócáid
• Trealamh Físchomhdhála (An Lár-Leabharlann)
Tá WiFi ar fáil in achan spás fosta.